-
Year
-
2009
-
Summary
-
sq
Gërmimet e vitit 2009 në pjesën e poshtme të Butrintit, u përqëndruan në Muret Mbrojtëse Perëndimore të cilat përfshijnë fortifikimet kryesore nga ana e tokës të qytetit në periudhën antike të vonë dhe mesjetare. Në ditët e sotme, muret duken si dy linja paralele me largësi 14 m nga njëri-tjetri, ku muri i brendshëm mbrohet nga tre kulla. Kullat kanë qenë subjekt i gërmimeve dhe studimeve prej vitit 2004, të cilat kanë hedhur dritë mbi ndërtimin e mureve në fundin e shek. 5, fazat e mëtejshme të banimit si dhe jetën dhe ekonominë e Butrintit Bizantin. Muri i jashtëm përfaqëson një linjë me dredha të gjatë rreth 100 m, të gjerë 1.90 m dhe ruhet në lartësinë e më pak se 2 m. Nuk ka të dhëna për kulla, porta apo hyrje dhe elemente mbrojtëse të tjera në të.
Gërmimet e këtij sezoni në murin e jashtëm u ndërmorrën me qëllim përcaktimin ekzakt të kohës së ndërtimit dhe lidhjes së tij me murin me kulla. Gërmimi zbuloi se themelet dhe seskionet mbi nivelin e tokës të murit të jashtëm, ishin ndërtuar me blloqe gurësh të ripërdorur apo spolia dhe të vendosur në radhë të çrregullt. Megjithatë pjesa e jashtme e murit është ndërtuar më me kujdes dhe rregullsi për tu lënë përshtypje atyre që ishin jashtë mureve rrethuese të qytetit. Gropa rrethore në intervale të afërta dëshmojnë për llojin e shtyllave të skelerisë së përdorur në ngritjen e murit, i cili u ndërtua në një fazë të vetme. Një seri depozitash kompakte e shtruar ndërmjet dy mureve paralele, krijoi sipërfaqen për një rrugë të re.
Të dhënat materiale nga gërmimi së bashku me ato të karakteristikave të ndërtimit, e datojnë murin e jashtëm në dekadat e para të shek. 13. Kjo ishte koha kur pas Kryqëzatës së Katërt më 1204 dhe më tej copëtimit të Perandorisë Bizantine, Butrinti u gjend brenda territoreve të Despotatit të Epirit, kryeqyteti i të cilit ishte në Artë. Ishte një periudhë kur fortifikimi i qyteteve ishte jetësor për qëndrueshmërinë e tyre dhe po ashtu për Butrintin e ripërtëritur me mure të reja mbrojtëse. Linja e brendshme e Mureve Mbrojtëse Perëndimore u rindërtua në të njëjtën kohë. Depozitat e gjetura brenda kullave të antikitetit të vonë në murin e brendshëm, tregojnë se ato mbetën në përdorim në periudhën mesjetare, por tashmë më tepër me funksion mbrojtjeje sesa banimi. Si rrjedhim, në dekadat e para të shek. 13, muret paralele kanë funksionuar si strukturë mbrojtëse e njësuar dhe e planifikuar, dhe gjithashtu si një hyrje e re kryesore e mbrojtur për në qytet dhe Kështjellën e Akropolit. Në këtë kontekst mund të thuhet se muri i jashtëm të ketë vepruar si barrierë shtesë ndaj sulmeve, pra si mbrojtje e avancuar apo proteikhisma, një rast i jashtëzakonshëm për ndërtimet ushtarake në fillimin e shek. 13.
-
en
In 2009 the excavations at the lower part of Butrint, were focused in The Western Defences which comprised the principal landward fortification for the late antique and medieval city. Today, the defences appear as two parallel walls 14 m apart, with the inner wall fortified with three towers. The towers themselves have been the subject of excavation and research since 2004. This has produced a complete sequence of the late 5th-century construction, succeeding phases of occupation and revealed much about life and economy in Byzantine Butrint. The outer wall describes a sinuous length of c. 100 m, c.1.90 m thick, but stands to a height of less than 2 m. It contains no evidence of towers, gates or other additional defences or entrances.
The excavation against the outer wall was carried out in this season in order to establish a precise date for its construction and its relationship to the wall with towers. The excavation revealed that both the foundation and above-ground sections of the outer wall were assembled in rough courses constructed from re-used blocks and other spolia. The external face was finished in a more considered fashion, presumably to impress those outside the city’s walls. Circular holes at close intervals describe the nature of the scaffold poles used to build the wall, which was executed in a single phase. A sequence of compacted deposits laid between the parallel walls provided a surface for a new thoroughfare.
Material evidence gained from the excavation, taken together with the characteristic construction technique dates the outer wall to the first decades of the 13th century. This was a time when, after partition of the Byzantine Empire following the Fourth Crusade in 1204, Butrint found itself incorporated within the territories of the Despotate of Epirus whose capital was at Arta. It was a period when the fortification of cities was vital to their sustainability, and one of renewed defence construction at Butrint. The inner wall line of the Western Defences was restored during the same period.
Deposits found within the late antique towers of the inner wall line indicate that they remained in use in the medieval period, and most likely for defence rather than habitation. Thus, in the first decades of the 13th century the parallel walls could feasibly have functioned as a planned, unified set of defences, whilst also presumably presenting a new main, guarded entrance to the city and approach to the Acropolis Castle. In this context it could be suggested that the outer wall acted as a supplementary barrier to assault, thus serving as a fore wall or proteichisma, an extremely unusual example of military technology for the early 13th century.